Vefforritun 2, 2025, einstaklingsverkefni

Lýsing

Verkefnið er þríþætt:

1. Fyrri skil þar sem verkefnið er skilgreint; grunnur lagður að verkefni og skýrslu; og ákveðið hvort verkefni verði kynnt. Gildir 5% af lokaeinkunn.
2. Full skil á verkefni og skýrsla sem þið vinnið sjálf. Gildir 10% af lokaeinkunn.
3. Valkvæm kynning á verkefni. Gildir 10% af lokaeinkunn, til upphækkunnar.

Ætlast er til að öll vinni og skili verkefni (fyrri og full skil) og skýrslu.

Verkefni

Verkefnið er unnið kringum valið efni og er í formi forrits eða viðmóts sem unnið er frá grunni.

Skilyrði er að verkefnið nýti að minnsta kosti þrennt af eftirfarandi:

• Bakendi útfærður.
• Vefþjónusta (REST eða GraphQL) útfærð.
• Framendi útfærður (með template máli eða framenda framework).
• Flóknari framendi útfærður (t.d. nýleg virkni í CSS eða flókin kvikun)
• Einhversskonar próf skrifuð sem skipta máli.
• Notendaumsjón útfærð.
• Gagnagrunnur (SQL eða NoSQL) notað.
• Hönnunarskjöl útfærð (Figma, UML rit eða álíka) og kynnt í skýrslu.
• Greining á verkefni unnin fyrirfram t.d. ef verkefnið er stærra en það sem formast innan þessa verkefnis (t.d. tímalínur, niðurbrot á verkþáttum) og kynnt í skýrslu.
• Verkefni sem notar annað umhverfi en Node.js.
• Verkefni sett upp í hýsingu með CI/CD ferlum (continuous integration, continuous deployment)

Það skal klára verkefnið á einhvern hátt, t.d. komin útfærsla sem er keyrandi og hægt að heimsækja á vefnum; eða búið er að klára greiningu að einhverju leiti og skilgreina næstu skref.

Skýrsla

Skýrslan er skjölun á því hvað var gert og hvernig það gekk; hvernig viðfangsefni tengist vefforritun; hvaða skilyrði voru valin og hvernig þau voru uppfyllt.

Form skýrslur skal annaðhvort vera Markdown skjöl í repo (readme.md og hugsanlega fleiri skrár) eða sem PDF skjal. Í skýrslu skal taka fram (þetta gætu verið kaflaheiti):

• Inngangur, hvaðan kom hugmynd.
• Útfærsla, hvaða skilyrði eru uppfyllt og afhverju.
• Tækni, hvaða tækni er notuð og afhverju.
• Hvað gekk vel.
• Hvað gekk illa.
• Hvað var áhugavert.

Ekki er krafa um ákveðin blaðsíðufjölda en skýrslan skal uppfylla það sem ætlast er til á skýran hátt.

Skrifa má skýrsluna á íslensku eða ensku.

Fyrri skil

Skila skal:

• Hvaða skilyrði verði útfærð og hvaða efnistök.
• Grunn að skýrslu, t.d. búið að skrifa inngang og fyrstu drög að kafla um útfærslu og tækni.
• Hvort verkefni verði kynnt, skráning á kynningu.
• Verkplani.
• Matskvarði fyrir verkefnið.

Verkplan skal taka fram hvenær og hvernig verkefnið verði unnið í vikum 6.–13. T.d. gæti verkplan tiltekið:

• Í hvaða vikum verkefnið helst unnið, eftir að tekið hefur verið tillit til annara námskeiða.
• Hvaða hlutar verkefnis gætu verið flóknari en aðrir.
• Hvenær farið verði í að setja verkefnið upp í hýsingu.
• Hvenær skýrsla verði skrifuð.

Fyrir matskvarða skal nemandi skilgreina hvernig verkefnið verður dæmt að hluta í lokin. Það er tengt við bæði efnistök og plan, t.d.:

• Ef verkefnið snýst um að skrifa REST API fyrir virkni foo og bar með prófum, sett upp í hýsingu:
  • 20% Útfærsla á foo sem les gögn.
  • 20% Útfærsla á bar sem les og leyfir að breyta, eyða og eyða gögnum.
  • 20% Einingaprófanir á foo og bar.
  • 20% Samþættingarprófanir (integration test) á foo og bar.
  • 20% Vefþjónusta sett upp í hýsingu.
• Ef verkefnið snýst um að rannsaka Deno sem forritunarumhverfi, byggja vef (framenda og bakenda) og setja það upp í hýsingu:
  • 40% Rannsókn á Deno sem forritunarumhverfi og lýsing á því í skýrslu með efni áfangans til samanburðar.
  • 30% Uppsetning á bakenda og framenda.
  • 30% Uppsetning á verkefni í hýsingu.
• Ef verkefnið snýst um að nota Figma til að útbúa hönnun á vef, setja upp framenda með nýlegri CSS virkni og nota Framer kvikunarforritasafnið til að setja upp kvikun:
  • 30% Hönnun á vef í Figma.
  • 40% Útfærsla á vef með nýlegri CSS virkni.
  • 30% Útfæra kvikun með Framer.

Kynning

Skila þarf verkefni og skýrslu fyrir kynningu til að geta fengið fulla einkunn.

Kynning fer fram í mánudags eða miðvikudagstíma fyrir framan kennara og aðra nemendur. Kynning fer yfir það sem kemur fram í skýrslu og sýnir dæmi úr forriti.

Lengd skal vera um 10 mínútur, hámark 15 mínútur.

Eftir kynningu þarf að svara óundirbúnum spurningum frá kennara.

Hugmyndir um efnistök

Verkefnið er viljandi opið, þið megið gera hérumbil hvað sem er svo lengi sem það hefur einhverja tengingu við vefforritun (þarf ekki einu sinni að vera tengt við neitt sem við gerum í vor!)

Til dæmis:

• Vefforritun í öðru forritunarmáli/forritunarumhverfi, t.d. Ruby on Rails, .NET, PHP.
• Önnur framendaframework, t.d. Svelte, Vue.
• Önnur „meta“ framework, t.d. SvelteKit, Nuxt.
• Notkun á öðrum gagnagrunnum, SQL eða NoSQL, t.d. MySQL, SQLite, MongoDB.
• App útfærsla með t.d. React Native eða Flutter.
• Desktop útfærsla með t.d. Electron eða Tauri.
• Notkun á kvikun gegnum library, t.d. GSAP eða Motion.
• Útfærsla á verkefni með Web Components.
• Notkun á „local first“ útfærslum.
• Önnur hýsing, t.d. Cloudflare, AWS eða Google Cloud.
• Útfærsla á verkefni í formi vefforrits:
  • Einhver „viðskiptahugmynd“, getur verið í formi „proof of concept“.
  • Þinn eigin vefur/blog.
  • Vefur um efni/áhugamál.

Sett fyrir

Verkefni sett fyrir í fyrirlestri miðvikudaginn 23. janúar 2025.

Skil

Fyrri skil eru í seinasta lagi fimmtudaginn 13. febrúar 2025.

Skil á fullkláruðu verkefni í seinasta lagi fimmtudaginn 10. apríl 2025.

Skil skulu innihalda:

• Slóð á verkefni keyrandi á hýsingu, ef við á.
• Slóð á GitHub repo fyrir verkefni, bjóða skal osk í repo.
• Skýrslu.

Skil á kynningu

Skila skal kynningu á Canvas í seinasta lagi daginn fyrir kynningu.

Kynningar fara fram í fyrirlestrartímum:

• mánudaginn 31. mars 2025.
• miðvikudaginn 2. apríl 2025.
• mánudaginn 7. apríl 2025.
• miðvikudaginn 9. apríl 2025.

Skráning á þær er sérstaklega tiltekin í verkefnalýsingu á Canvas.

Mat

• Fyrri skil
  • 40% Matskvarði skilgreindur.
  • 30% Tímaplan.
  • 20% Grunnur að skýrslu.
  • 10% Afstaða til kynningar og skráning ef við á.
• Verkefni og skýrsla:
  • 30% Efnistök og tenging við vefforritun, útfærsla og skilyrði uppfyllt.
  • 30% Skýrsla.
  • 40% Mat á verkefni samkvæmt matskvarða nemenda.
• Kynning
  • 10% Kynning virðir tímamörk.
  • 20% Uppsetning, glærur, forritunardæmi.
  • 40% Kynningin skýr og auðvelt að fylgja eftir.
  • 30% Svör við óundirbúnum spurningum.

---

Útgáfa 0.1

Útgáfa	Breyting
0.1	Fyrsta útgáfa