Vefforritun 1, 2022, hópverkefni 1

Kynning í fyrirlestri.

Verkefnið felst í því að smíða vef eftir forskrift.

Gefin er hönnun í Figma. Hægt er að kveikja á grind með View > Layout grids.

Allt efni, litir, stærði o.s.fr skal taka úr Figma skjali.

Ekki þarf að útfæra neina virkni fyrir takka eða form.

Hönnunin er ekki fullkomin og er ósamræmi í bilum, stærðum o.þ.h. Leyfilegt er að normalísera en hægt er að spyrja spurninga um hönnun á rásinni #vef1-2022-h1.

Gefin er desktop og mobile hönnun. Passa þarf upp á að vefur sé skalanlegur á milli.

Allir tenglar á uppskrift skulu fara á uppskriftarsíðu, allir tenglar á yfirlit/skoða uppskriftir skal fara á yfirlitssíðu.

Vefur skal vera prófaður og virka í nýjustu útgáfum af Firefox og Chrome.

Hópavinna

Verkefnið skal unnið í hóp með 3-4 einstaklingum. Hafið samband við kennara ef ekki er mögulegt að vinna í hóp. Hægt er að leita að félögum á slack á rásinni #vef1-2022-h1-vantar-hop.

Notast skal við Git og GitHub. Engar zip skrár með kóða ættu að ganga á milli í hópavinnu, heldur á að „committa“ allan kóða og vinna gegnum Git.

Sjást ætti á commit history að allir meðlimir hóps hafi tekið þátt í verkefni.

Útbúa ætti a.m.k. fimm Pull Request (PR) þar sem búið er að fara yfir af öðrum meðlim í hóp.

Lýsing á verkefni

README.md skrá skal vera í rót verkefnis og innihalda:

• Upplýsingar um hvernig keyra skuli verkefnið
  • npm run dev eða npm start
  • npm run lint skal vera til staðar og keyra stylelint á Sass
• Létt lýsing á uppsetningu verkefnis, hvernig því er skipt í möppur, hvernig CSS/Sass er skipulagt og fleira sem á við
• Upplýsingar um alla sem unnu verkefni, nöfn, HÍ notendanöfn og GitHub notendanöfn

Tæki og tól

Verkefnið skal innihalda package.json og package-lock.json sem innihalda öll notuð tól.

Þegar verkefnið er sótt verður npm install keyrt á undan öllum öðrum skipunum.

Setja skal upp Sass og stylelint með stylelint-config-sass-guidelines og stylelint-config-standard fyrir verkefnið.

Til að passa upp á samræmi eru skrárnar .gitignore, .gitattributes og .editorconfig gefnar.

Mat

• 10% - Git og GitHub PR eftir forskrift
• 10% - README eftir forskrift, tæki og tól uppsett
• 10% – Snyrtilegt, gilt (skv. stylelint) CSS/Sass, gilt og aðgengilegt HTML
• 15% – Almennt útlit
• 15% – Forsíða
• 15% – Yfirlitssíða
• 15% – Uppskriftasíða, bæði með mynd og vídeó í haus
• 10% – Almennur skalanleiki

Sett fyrir

Verkefni sett fyrir í fyrirlestri mánudaginn 26. október 2022.

Skil

Einn aðili úr hóp skal skila fyrir hönd allra og skila skal í Canvas í seinasta lagi 30. október.

Skil skulu innihalda:

• nöfn allra í hóp ásamt notendanafni
• slóð á verkefni keyrandi á Netlify
• slóð á private GitHub repo fyrir verkefni. Dæmatímakennurum skal hafa verið boðið í repo. Notendanöfn þeirra eru:
  • MarzukIngi
  • Stimmikex
  • brynjar13
  • ofurtumi
  • BjarniHaskoli
  • Stulli888

Einkunn

Sett verða fyrir tíu minni verkefni þar sem átta bestu gilda 5% hvert, samtals 40% af lokaeinkunn.

Sett verða fyrir tvö hópverkefni þar sem hvort um sig gildir 10%, samtals 20% af lokaeinkunn.

Hönnun

Upprunaleg hönnun eftir Meghan Regior fyrir verkefni í vefforritun 2016. Flutt í Figma og uppfært af Óla.

Útgáfa 0.2 (bæta við um git og PR)