È a lingua corsa in l’infurmatica ?

Parechji prugrammi infurmatichi sò stati tradutti in corsu. Di bona regula, ùn ci hè nunda à fà di particulare per impiegalli in lingua corsa, fora d’installalli è dopu di sceglie a lingua « corsu » o « corsican ». Per certi, per indettu quelli ch’impieganu i prugrammi d’installazione Inno Setup o NSIS, ghjè ancu pussibule d’installalli in lingua corsa !

A maiò parte di sti prugrammi hè di tipu « Fonte aperta », o 'Open Source' in inglese, o GNU, vole si dì chì ùn ci hè nunda à pagà per impiegalli. Certi ponu esse venduti da una sucetà ma, in stu casu, ghjè una versione, forse senza tutte e so funzioni, chì si pò impiegà di rigalu.

Eccu una lista, ordinata in trè parti :

1. i prugrammi ✨ $\color{green}{\large{\textsf{tradutti in lingua corsa}}}$ ch’ellu si pò impiegà subitu ;
2. i prugrammi ⏳ $\color{blue}{\large{\textsf{in attesa di distribuzione}}}$ ;
3. i prugrammi 🎯 $\color{red}{\large{\textsf{in corsu di traduzzione}}}$.

In ogni parte di sta lista, classificatu da u so nome, ci hè l’icona di u prugramma, u so situ web ufficiale, è una corta discrizzione per sapè ciò ch’ellu face. Nant’à certe icone, si pò fà un cliccu per sapene di più annnant’à a traduzzione in lingua corsa di u prugramma.

È dopu à sta lista ci serà parechji codici QR chì permettenu di navigà versu d’altri siti di Patriccollu per fighjà infurmazioni è screni cumplementarii nant’à i prugrammi infurmatichi tradutti in lingua corsa.

---

1) I prugrammi $\color{green}{\large{\textsf{tradutti}}}$ in lingua corsa :

✨ 7-zip

https://www.7-zip.org/
Per cumpresse o stringhje unu o parechji schedarii, o cartulari, in un solu schedariu più chjucu. In più di què, stu schedariu cumpressu pò esse prutettu da una parolla d’intesa. A cumpressione è a scumpressione hè permessa per i furmati : 7z, XZ, BZIP2, GZIP, TAR, ZIP è WIM. Ma a scumpressione sola hè pussibule per tutti quelli : AR, ARJ, CAB, CHM, CPIO, CramFS, DMG, EXT, FAT, GPT, HFS, IHEX, ISO, LZH, LZMA, MBR, MSI, NSIS, NTFS, QCOW2, RAR, RPM, SquashFS, UDF, UEFI, VDI, VHD, VMDK, WIM, XAR è Z.

✨ Audacity

https://www.audacityteam.org/
Per arregistrà un sonu, un testu parlatu o una musica cù u microfonu di l’urdinatore è per trasfurmalli in schedarii MP3 o WAV. Si pò dinù mudificà i schedarii audio cù filtri numarosi, fà un mischiu cù parechji soni, è d’altre funzioni guasi prufessiunale. Stu prugramma funziuneghja nant’à Windows, Mac è Linux.

✨ CCleaner

https://www.ccleaner.com/ccleaner
Per nettà ciò chì ùn serve à nunda nant’à u vostru urdinatore è ottene un PC più nettu, più sicuru è più rapidu. Stu prugramma pò dinù analizà a versione di i prugrammi è di i piloti installati.

⚠️ $\color{red}{\large{\textsf{Fate casu}}}$ : selezziunate a versione di a vostra scelta : CCleaner Free chì hè di rigalu, o CCleaner Professional ch’ellu ci vole à pagà.
🔇 $\color{red}{\large{\textsf{Per disgrazia}}}$, à u principiu d’aprile di u 2023, a squadra di CCleaner hà decisu chì $\color{red}{\large{\textsf{a lingua corsa ùn seria più mantinuta}}}$.

✨ CDex

https://cdex.mu/
Per estrae i dati d’un CD Audio, ghjè ciò chì si chjama un CD Ripper o un utilitariu CDDA. Si pò creà un schedariu audio urdinariu (WAV) o cumpressu grazia à un cudificatore cum’è MP3, FLAC, AAC, WMA, OGG, è tanti altri. Di più, i schedarii WAV chì si trovanu nant’à l’urdinatore ponu esse trasfurmati in un schedariu cumpressu (è dinù in l’altru sensu). CDex accetta dinù l’etichette ID3V1 è ID3V2 chì ponu esse framesse durante l’estrazzione.

✨ Colors

https://www.den4b.com/products/colors
Per aiutavvi à sceglie un culore à partesi di parechje tavulette o à coglie un culore nant’à u screnu attuale affissatu. Cunnosce parechji mudelli di culore cum’è RGB, HSV, HLS è CMYK.

✨ FileZilla

https://filezilla-project.org/index.php
Prugramma multipiattaforma, chì funziuneghja nant’à Windows, Mac è Linux, è chì permette d’amministrà i trasferimenti di schedarii o cartulari - da è versu - un servitore FTP, FTPS (FTP over SSL/TLS) o SFTP (SSH File Transfer Protocol). FileZilla cuntene parechje funzioni è hà un’interfacia grafica d’utilizatore intuitiva. U so fratellucciu - libfilezilla - hè una bibliuteca C++, chjuca è muderna, chì offre funzioni basiche per custruisce prugrammi perfurmente è indipendenti di a piattaforma.

⚠️ $\color{red}{\large{\textsf{Fate casu}}}$ : ci vole à scaricà u prugramma da quì : https://filezilla-project.org/download.php?show_all=1
è micca da a pagina Download. Perchè, da sta pagina, si scaricheghja una versione particulare cù d’altri prugrammi chì ùn sò micca sempre i benvenuti ! Osinnò ci vole à sceglie "Show additional download options".

✨ Firefox for Android

https://play.google.com/store/apps/details?id=org.mozilla.firefox&hl=fr
L’ultimu navigatore per Android (nome di codice Fenix) sviluppatu da Mozilla, l’urganismu senza prufittu, per incuragisce un Internet apertu è in bella saluta. Rapidu, privatu, sicuru. Impiegatelu cum’è un navigatore privatu è vi aiuta cusì à cunservà u cuntrollu. Per fà ricerche, navigà da l’appiecazione, bluccà i perseguitatori (o mudificà e preferenze per auturizalli), squassà i canistrelli è ancu e crunulogie di navigazione è di ricerca. Stu navigatore cuntene parechje funzioni, cum’è a persunalizazione di a vostra metoda di ricerca, u modu scuru, e cullezzioni per urganizà i siti web visitati...

📗 $\color{orange}{\large{\textsf{Nota}}}$ : S’è vo circate un navigatore Internet più simplice nant’à Android, è chì vi rende a navigazione privata più faciule, hè piuttostu ricumandatu d’impiegà Focus for Android.

✨ Firefox for iOS

https://apps.apple.com/fr/app/firefox-web-browser/id989804926
Navigatore mobile è mudernu da Mozilla, l’urganismu senza prufittu chì s’impegna à difende un Web liberu è apertu. Si pò navigà nant’à parechje pagine web à u listessu tempu grazia à l’unghjette. Appughjate nant’à l’icona di maschera per passà in modu di navigazione privata. Ricercate à a vostra manera cù u vostru mutore di ricerca. Impiegate qualsisia appiecazione (è micca solu Mail) cù Firefox. Impiegate Sincrunizà per ritruvà l’indette, parolle d’intesa, è altri dati chì voi arregistrate in Firefox da i vostri altri apparechji.

💡 $\color{orange}{\large{\textsf{Astuzia}}}$ : Aghjunghje a lingua corsa in e preferenze generale di u vostru sistema iOS : Réglages > Général > Langue et région > Ajouter une langue... > Corsu.
📗 $\color{orange}{\large{\textsf{Nota}}}$ : S’è vo circate un navigatore Internet più simplice nant’à iOS, è chì vi rende a navigazione privata più faciule, hè piuttostu ricumandatu d’impiegà Focus for iOS.

✨ Focus for Android

https://play.google.com/store/apps/details?id=org.mozilla.focus&hl=fr
Navigatore Firefox per Android, sviluppatu da Mozilla l’urganismu senza prufittu, per incuragisce un Internet apertu è in bella salute. U so scopu principale hè di rende a navigazione privata più faciule è simplice. Impiegatelu cum’è un navigatore privatu è cusì vi aiuta à cunservà u cuntrollu. Fate ricerche è navigate dapoi l’appiecazione, bluccate i perseguitatori (o mudificà e preferenze per auturizalli), squassà i canistrelli è ancu e crunulogie di navigazione è di ricerca.

📗 $\color{orange}{\large{\textsf{Nota}}}$ : S’è vo circate un navigatore Internet più cumpletu nant’à Android, hè piuttostu ricumandatu d’impiegà Firefox for Android.

✨ Focus for iOS

https://apps.apple.com/fr/app/firefox-focus/id1055677337
Navigate nant’à Internet cum’è s’è nimu vi fighjava. U scopu principale di Firefox Focus hè di rende a navigazione privata più faciule è simplice. St’appiecazione blucca autumaticamente una parte maiò di i perseguitatori, da quandu vi a lanciate fine à quandu vi a chjudite. Squassate di manera faciule a vostra cronolugia di navigazione, e vostre parolle d’intesa è i vostri canistrelli per liberavvi di certi elementi cum’è e publicità indesiderevule.

📗 $\color{orange}{\large{\textsf{Nota}}}$ : S’è vo circate un navigatore Internet più cumpletu nant’à iOS, hè piuttostu ricumandatu d’impiegà Firefox for iOS.

✨ fre:ac

https://www.freac.org/
Cunvertidore audio liberu è estratore di CD chì accetta parechji furmati è cudificatori cunnisciuti cum’è MP3, M4A/AAC, FLAC, WMA, Opus, Ogg Vorbis, Speex, Monkey's Audio (APE), WavPack, WAV è d’altri. Stu prugramma funziuneghja nant’à Windows, Mac è Linux.

✨ GeneWeb

https://geneweb.tuxfamily.org/wiki/GeneWeb/fr
Ghjestione di genealugia di tipu « fonte aperta » è scritta in OCaml. Ghjunghje cù un’interfaccia web è pò esse impiegata in lucale o cum’è un serviziu web. Stu prugramma funziuneghja nant’à Windows, Mac è Linux.

📗 $\color{orange}{\large{\textsf{Nota}}}$ : A lingua corsa hè distribuita cù a versione 7.0.0 è quelle più recente.
💡 $\color{orange}{\large{\textsf{Astuzia}}}$ : Si pò ancu fighjà in linea è in lingua corsa una versione di dimustrazione à st’indirizzu :
https://demo.geneweb.tuxfamily.org/gw7/gwd?b=grimaldi&lang=co;

✨ HandBrake

https://handbrake.fr/
Trascudificatore video liberu, di tipu « fonte aperta » è multipiattaforma (Windows, Mac è Linux) chì permette di cunvertisce guasi tutti i furmati di video ver di una selezzione di cudechi muderni.

✨ Hasher

https://www.den4b.com/products/hasher
Verificazione d’integrità d’un schedariu grazia à un numeru impurtante di cudificatori : CRC32, MD2, MD4, MD5, SHA1, SHA256, SHA512, RipeMD128, RipeMD160 è ED2K. Tutti i schedarii trattati sò ricunnisciuti è i tazzechji sò pronti à esse espurtati ver di parechji furmati di verificazione di schedariu cum’è SFV, MD5SUM è SHA1SUM. Sì pò dinù paragunà dui schedarii.

✨ Inno Setup

https://jrsoftware.org/isinfo.php
Prugramma per creà un assistente d’installazione (o stalladore) nant’à Windows per d’altri prugrammi. Per indettu, quelli prugrammi l’impieganu : Audacity, Colors, Cunghjucazione Corsa, GeneWeb, OmegaT, PDFCreator, Poedit, Resizer, Skype è Video DownloadHelper.

✨ K-9 Mail

https://github.com/thunderbird/thunderbird-android#readme
Appiecazione di messaghjeria à codice di fonte aperta chì funziuneghja nant’à i sistemi Android cù guasi tutti i furnidori di messaghjeria elettronica. E so caratteristiche principale sò : d’accettà parechji conti di messaghjeria nant’à una interfaccia grafica unica, di prupone una scatula di ricezzione unificata per tutti sti conti, d’esse rispettosu di a vostra vita privata (senza spiunagiu, di cunnettesi solu à u vostru furnidore di messaghjeria elettronica) è d’offre una sincrunizazione autumatica, una ricerca lucale è nant’à u servitore eppò una cifratura OpenPGP di i messaghji elettronichi (PGP/MIME) via l’installazione di l’appiecazione OpenKeychain: Easy PGP.

💡 $\color{orange}{\large{\textsf{Astuzia}}}$ : Si pò dighjà impiegà a lingua corsa cù una versione di sviluppu - sciglite a 6.902 o una versione più recente - chì si pò scaricà da quì : https://github.com/thunderbird/thunderbird-android/releases
📗 $\color{orange}{\large{\textsf{Nota}}}$ : St’appiecazione face parte di a famiglia Thunderbird dapoi u 2022 è diventerà, da quì à pocu, Thunderbird for Android. Eccu u situ web per sapene di più nant’à stu cambiamentu.

✨ Lazarus/LCL

https://www.lazarus-ide.org/
Lazarus hè un « IDE » multipiattaforma cumpatibile cù Delphi per Free Pascal. Free Pascal hè un compilatore GPL chì funziuneghja nant’à Linux, Windows, macOS, FreeBSD è d’altri. LCL (Lazarus Component Library) hè unu di i so cumpunenti chì hè più o menu cumpatibile cù u VCL di Delphi.

✨ Lufi

https://drop.infini.fr/
Serviziu web in linea chì permette à l’utilizatori di mandà i so schedarii maiò à un servitore è di riceve un liame ingeneratu da l’appiecazione. Stu liame pò esse mandatu à d’altre persone chì puderanu scaricà i schedarii. U servitore riceve solu i dati cifrati è ùn vede mai a chjave di cifratura. A cifratura è a dicifratura di i schedarii si facenu in u navigatore di l’utilizatore.

✨ Mozilla VPN

https://vpn.mozilla.org/
Una reta privata virtuale (VPN) rapida, assicurizata, faciule à impiegà è cuncepita da l’autori di Firefox. A selezzione d’un servitore in un paese di a vostra scelta (oghje ci n’hè più d’una trentina) vi permette di piattà a vostra pusizione à quelli chì volenu seguità e vostre traccie.

⚠️ $\color{red}{\large{\textsf{Fate casu}}}$ : Per disgrazia, stu prugramma ùn hè micca pruvistu di rigalu è ci vole à pagà per impiegallu :-(

✨ Mp3tag

https://www.mp3tag.de/en/
Per aghjungje o mudificà l’etichette ID3v1, ID3v2.3, ID3v2.4, iTunes MP4, WMA, Vorbis Comments è APE Tags di schedarii audio di furmati numerosi. Grazia à u so accessu à e banche di dati in linea cum’è Amazon, discogs, MusicBrainz o freedb, st’attrezzu putente è faciule à impiegà pò ricoglie autumaticamente l’infurmazioni reale di a vostra bibliuteca di musica.

⚠️ $\color{red}{\large{\textsf{Fate casu}}}$ : Ci hè dinù una versione per Mac ma ci vole à pagà per impiegalla :-(

✨ Notepad++

https://notepad-plus-plus.org/
Prugramma di mudificazione di testu genericu, funziunendu nant’à Windows, chì permette a messa in evidenza di a sintassa di u codice di fonte per parechji tipi di schedariu cum’è i linguaghji di prugrammazione. Stu prugramma, scrittu in C++ cù STL è l’interfaccie di prugrammazione Win32, hè cuncepitu per pruvede un mezu, di chjuca dimensione ma assai putente, per mudificà un schedariu di testu. Ci sò parechje funzioni cum’è una ricerca avanzata di caratteri o u paragone trà dui schedarii chì ne facenu un rimpiazzamentu perfettu di u prugramma Notepad distribuitu cù Windows. È quandu s’apre un schedariu cù Notepad++, u schedariu ùn hè micca ammarchjunatu è s’ellu hè mudificatu da un altru prugramma, ci hè una nutificazione è a pussibilità di ricaricallu.

💡 $\color{orange}{\large{\textsf{Astuzia}}}$ : Durante l’installazione, ci vole à sceglie a lingua Corsican in a lista di e lingue pruposte è dopu ci vole à indicà Corsu in e preferenze di u prugramma. Per sapene di più, seguitate l’istruzzioni per installà un schedariu di lingua.

✨ NSIS: Nullsoft Scriptable Install System

https://nsis.sourceforge.io/MainPage
Prugramma per creà un assistente d’installazione (o stalladore) nant’à Windows per d’altri prugrammi. Per indettu, sti prugrammi l’impieganu : 7-zip, CCleaner, CDex, FileZilla, Mp3tag, Notepad++, OpenOffice, Paint.NET, VirtualMIDISynth è VLC Media Player.

✨ OmegaT

https://omegat.org/co/
Attrezzu di traduzzione assistita da l’urdinatore (TAO in francese è CAT in inglese) - liberu è multipiattaforma (Windows, Mac è Linux), scrittu in Java - chì cuntene funzioni putente cum’è currispundenze simile, memoria di traduzzione, ricerca di parolla chjave, glossarii è cusì u travagliu di traduzzione hè più faciule.

📗 $\color{orange}{\large{\textsf{Nota}}}$ : A lingua corsa hè distribuita cù a versione 5.3.0 è quelle più recente.
❤️ $\color{orange}{\large{\textsf{Nota}}}$ : Ancu u situ web hè traduttu in lingua corsa.

✨ paint.net

https://www.getpaint.net/
Prugramma di mudificazione di fiura è di fotò chì funziuneghja nant’à Windows. Cù a so interfaccia intuitiva si pò impiegà calchi, disfà tutte l’azzioni fatte fin’avà, impiegà effetti speciali numerosi è attrezzi putente. Grazia à una cummunità in linea attiva, si pò ottene assistenza, furmazioni autonome, è moduli d’estensione.

✨ PDFCreator , HotFolder è Images2PDF

https://www.pdfforge.org/pdfcreator
PDFCreator permette di trasfurmà in un schedariu PDF tuttu ducumentu creatu da OGNI APPIECAZIONE capace di stampà, vole si dì guasi tutte l’appiecazioni ! HotFolder pò trasfurmà u cuntenutu d’un cartulare sanu in schedarii PDF o fiure. Images2PDF pò cunvertisce e fiure in schedarii PDF. I dui prugrammi HotFolder è Images2PDF sò distribuiti solu cù PDFCreator Professional.

⚠️ $\color{red}{\large{\textsf{Fate casu}}}$ : selezziunate a versione di a vostra scelta : PDFCreator chì hè di rigalu, o PDFCreator Professional ch’ellu ci vole à pagà.

✨ PDFCreator Online

https://www.pdfforge.org/online/co-FR
Un situ web induve si pò truvà un inseme d’attrezzi in linea per manighjà i vostri schedarii PDF : unione, divizione, cumpressione, paragone di dui schedarii, aghjuntu d’una parolla d’intesa, d’un stampaghjolu o di numeri di pagina, validazione, estrazzione di testu o di fiure, cunversione in parechji furmati.

✨ PDF Split and Merge

https://pdfsam.org/pdfsam-basic/
Indipendente di u sistema (Windows, Mac è Linux) è cuncepitu per estrae o framette pagine, girà, sparte o adunisce i ducumenti PDF, u prugramma PDFsam Basic hè simplice, stabule, bellu liberu è duveria risponde à a maiò parte di i vostri bisogni.

⚠️ $\color{red}{\large{\textsf{Fate casu}}}$ : selezziunate a versione di a vostra scelta : PDFsam basic chì hè di rigalu, o PDFsam Enhanced ch’ellu ci vole à pagà.

✨ Poedit

https://poedit.net/
Poedit permette di creà è mudificà i schedarii .PO (Portable Object) per l’appiecazioni o i siti Internet chì adopranu « gettext » per e so traduzzioni. Stu prugramma funziuneghja nant’à Windows, Mac è Linux. WinSparkle hè u so prugramma d’installazione nant’à Windows.

✨ PrivateBin

https://privatebin.info/
Serviziu web in linea di tipu « pastebin » minimalistu è à fonte aperta induve u servitore ùn hà micca cunnuscenza di i dati mandati. Sti dati sò cifrati è dicifrati in u navigatore cù una cifratura AES di 256 bit. Stu ghjestiunariu d’appiccicu di testu permette à l’utilizatori di scumparte pezzi di testi è di codice di fonte grazia à un liame ingeneratu da l’appiecazione.

✨ RandPass

https://www.den4b.com/products/randpass
Ingeneratore di parolle d’intesa à l’azardu impieghendu simbulli o parolle à l’azardu. Si pò selezziunà gruppi di caratteri à impiegà per e parolle d’intesa, cum’è lettere minuscule, lettere maiuscule, cifri, è gruppi di caratteri persunnalizati. Si pò dinù definisce u furmatu di a parolla d’intesa, verificà ch’ella hè unica, caccià i caratteri simile.

✨ ReNamer

https://www.den4b.com/products/renamer
Attrezzu assai putente per rinuminà i schedarii chì permette l’adopru di prucedure cù prefissi, suffissi, rimpiazzamenti, cambiamentu di caratteri, aghjuntu di numeri di sequenza, ecc... In più di què, si pò dinù rinuminà cartulari, impiegà spressioni regulare è accettà una mansa di meta etichette, cum’è : ID3v1, ID3v2, EXIF, OLE, AVI, MD5, CRC32, è SHA1.

✨ Resizer

https://www.den4b.com/products/resizer
Per cambià a dimensione d’una fiura cù un’interfaccia di tipu « sguillà è depone » assai faciule à impiegà. Ci sò parechje ozzioni, cum’è un metoda d’addattazione d’aspettu da percentuale, un furmatu persunnalizatu di destinazione di fiura, è un mudellu di nome di schedariu d’esciuta. I furmati di fiura permessi sò : BMP, GIF, PNG, JPEG è TIFF.

✨ Shutter

https://www.den4b.com/products/shutter
Attrezzu di pianificazione multifunziunale chì hà un’interfaccia faciule à impiegà è chì accetta evenimenti è azzioni numerosi. L’evenimenti sò : u contu à l’arritrosa, l’aghjovu di a CPU, di a reta o di u discu duru, u livellu di batteria, un prucessu o una dimensione di schedariu. L’azzioni sò : spenghje l’urdinatore, mettelu in veghja o in invernazione, o d’altre azzioni nant’à u screnu, u vulume, un’alarme, un sonu o ancu un schedariu, una finestra o un prucessu.

✨ SumatraPDF

https://www.sumatrapdfreader.org/free-pdf-reader.html
Lettore di ducumenti per Windows, capace di leghje i furmati PDF, i libri elettronichi (ePub, Mobi), XPS, DjVu, CHM, i libri comichi (CBZ è CBR). Stu prugramma hè liberu, putente, chjucu, purtevule è si lancia in furia in furia. A priurità di u sviluppu di a so interfaccia hè d’esse simplice à impiegà.

✨ VeraCrypt

https://veracrypt.fr/en/Home.html
Appiecazione libera à fonte aperta per cifrà un discu. Stu prugramma pò creà un discu cifratu virtuale dentru un schedariu è muntallu tale un discu reale. Dunque, vistu da fora, ghjè un schedariu unicu è classicu. Ma quand’ellu hè apertu cù VeraCrypt, ghjè un discu chì pò cuntene cartulari, sottucartulari è schedarii. VeraCrypt pò dinù cifrà una partizione sana o un apparechju di memoria cum’è una chjave USB o un discu duru, ancu s’ellu hè quellu induve Windows hè installatu. Invece di a cifratura di schedariu, a cifratura di dati effettuata da VeraCrypt si face in tempu reale (di volu), di manera autumatica è trasparente, hà bisognu di poca memoria è ùn richiede micca schedarii timpurarii non cifrati. L’appiecazione funziuneghja nant’à Windows, Mac OSX è Linux.

📗 $\color{orange}{\large{\textsf{Nota}}}$ : A lingua corsa hè distribuita cù a versione 1.26.7. Ma s’ella ci hè bisognu d’impiegalla cù una versione più vechja, seguitate l’istruzzioni per installà u schedariu di lingua per sapene di più.

✨ Video DownloadHelper

https://www.downloadhelper.net/
Estensione di u navigatore per scaricà schedarii audio o video da u Web. Quandu l’estensione scopre quelli schedarii, l’icona di a barra d’attrezzi s’attiveghja per vi permette di fighjà ciò chì sò dispunibule è un cliccu simplice principierà u so scaricamentu. St’estensione funziuneghja nant’à Firefox, Chrome è Microsoft Edge.

L’appiecazione cumpagnu - vdhcoapp - hè un mudullu addiziunale multi-piattaforma (Windows, Mac, Linux) chì aghjunghe ste funzioni à u navigatore : funzioni API di scrittura di schedariu chì ùn sò micca native, generazione di nome di schedarii timpurarii, lanciu d’una appiecazione predefinita nant’à un schedariu di dati, è un’interfaccia à u cunvertidore video ffmpeg.

💡 $\color{orange}{\large{\textsf{Astuzia}}}$ : Ùn ci hè alcuna ozzione in Video DownloadHelper per sceglie a lingua di a so interfaccia perchè l’estensione impiega quella di u navigatore. À st’ora, i trè navigatori - Chrome, Firefox è Microsoft Edge - ùn cunnoscenu micca a lingua corsa. Ma, ancu di grazia, ci hè una soluzione, quantunque, per impiegà Video DownloadHelper in corsu. Per sapene di più, seguitate l’istruzzioni per installà un schedariu di lingua.

✨ VirtualMIDISynth

https://coolsoft.altervista.org/en/virtualmidisynth
Sintetizatore MIDI chì funziuneghja cum’è un pilotu multimedià Windows è chì pò esse impiegatu cum’è un apparechju classicu d’esciuta MIDI. Appughjatu nant’à a bibliuteca BASS sviluppata da un4seen, VirtualMIDISynth pò funziunà nant’à Windows XP (SP3) / Vista (SP1) / 7 (SP1) / 8.x / 10 (x86 o x64).

✨ VLC for Android

https://play.google.com/store/apps/details?id=org.videolan.vlc
Purtera di VLC media player nant’à a piattaforma Android chì pò sunà qualsisia schedariu video è audio, ma dinù i flussi è i lettori di reta, e fiure ISO di DVD, cum’è a versione di scagnu di VLC. Ghjè un lettore audio cumpletu, cù una banca di dati sana, un ugualizatore è filtri, capace di sunà tutti i furmati audio bizari. Hè cuncepitu per tutti, cumpletamente di rigalu, senza publicità, ne appiecazione à cumprà, ne spiunagiu, è hè sviluppatu da vuluntarii appassiunati. Tuttu u codice di fonte hè dispunibule di rigalu.

💡 $\color{orange}{\large{\textsf{Astuzia}}}$ : Bench’è Android ùn ricunnosci unancu a lingua corsa in a lista di e lingue pruposte da u sistema, l’appiecazione VLC vi permette di sceglie sta lingua.

✨ VLC for iOS

https://itunes.apple.com/fr/app/vlc-for-mobile/id650377962
Purtera di u lettore medià liberu VLC nant’à iPad, iPhone è iPod touch chì pò sunà tutti i vostri filmetti, spettaculi è musica in a maiò parte di i furmati direttamente, senza cunversione. Permette a sincrunizazione di i schedarii cù Dropbox, GDrive, OneDrive, Box, iCloud Drive, iTunes, offre i scaricamenti diretti, u spartimentu WiFi, ma dinù a lettura di cuntinuu à partesi di servitori medià SMB, FTP, UPnP/DLNA è da u web. VLC permette l’impiegu di sottutituli avanzati includendu a cumpatibilità sana SSA, l’audio multi-traccia, è u cuntrollu di a vitezza di ripruduzzione. VLC per iOS hè sanu di rigalu è di tipu « fonte aperta ».

✨ WinMerge

https://winmerge.org/?lang=co
Attrezzu di paragone è di fusione à « fonte aperta » nant’à Windows chì vi permette di paragunà cartulari è schedarii è affissà e sfarenze in un furmatu di testu visuale chì hè capicitoghju è faciule à manighjà. WinMerge pò esse impiegatu, sia cum’è un attrezzu esternu di paragone o di fusione, sia cum’è un’appiecazione autonoma, per determinà ciò chì hà cambiatu trà parechje versioni di prughjettu è per fà una fusione di sti cambiamenti. In più di què, WinMerge cuntene tante funzioni ghjuvevule per rende più faciule u paragone, a sincrunizazione è a fusione. Per indettu, parechji linguaghji di prugrammazione è altri furmati di schedariu anu a so sintassa sopralineata.

❤️ $\color{orange}{\large{\textsf{Nota}}}$ : Ancu u situ web hè traduttu in lingua corsa.

✨ Worldle

https://worldle.teuteuf.fr/
Un situ web chì prupone un ghjocu in linea induve ci vole à induvinà, in 6 colpi à u massimu, u nome d’un paese o d’un territoriu di u mondu. Per aiutavvi, si vede a forma di stu locu ma ci hè ozzioni per falla girà o ancu piattalla per aumentà a difficultà.

✨ wxWidgets

https://www.wxwidgets.org/
Bibliuteca C++ chì permette à i sviluppatori di creà appiecazioni per Windows, macOS, Linux è d’altre piattaforme cù una basa unica di codice.

---

2) I prugrammi in attesa di $\color{blue}{\large{\textsf{distribuzione}}}$ :

⏳ FreeOTP

https://freeotp.github.io/
Appiecazione d’autenticazione à dui fattori per i sistemi Android è iOS impieghendu i protocolli di parolle d’intesa à usu unicu. I gettoni ponu esse aghjunti d’una manera faciule via l’analisa d’un codice QR. S’ella hè bisognu à ingenerà un codice QR, pruvate puru u generatore di codice QR in linea. FreeOTP impiegheghja e norme HOTP è TOTP. Vole si dì ch’ellu ùn hà bisognu d’alcunu cumpunente prupietariu nant’à u servitore ; basta à impiegà qualsiasi cumpunente di u latu di u servitore chì adopra ste norme.

📗 $\color{orange}{\large{\textsf{Nota}}}$ : Per i sistemi Android, a lingua corsa duveria esse distribuita cù a versione 2.0.3 è quelle più recente. Per disgrazia, à st’ora, stu sistema ùn cunnosce micca a lingua corsa è l’appiecazione FreeOTP for Android ùn pò micca impiegà un’altra lingua chè quella di u sistema. Dunque per impiegà FreeOTP in lingua corsa nant’à un sistema Android, ci vulerà à aspettà una cria chì stu sistema accetti a nostra bella lingua.

⏳ MozBackup

http://mozbackup.jasnapaka.com/
Attrezzu per creà una copia di securità (salvaguardia) d’un prufilu Firefox, Thunderbird, o d’altri prugrammi sviluppati da a fundazione Mozilla. È dopu, s’ella hè bisognu, d’impiegà sta copia per rimette in piazza (risturà) u prufilu, per indettu s’ellu hè statu alteratu o dannighjatu.

💡 $\color{orange}{\large{\textsf{Astuzia}}}$ : Cum’è MozBackup ùn cunnosce chì una lingua unica à u listessu tempu, eccu l’istruzzioni particulare per impiegà MozBackup in lingua corsa.

⏳ OpenTracks

https://github.com/OpenTracksApp/OpenTracks/blob/main/README.md
Appiecazione di tracciatu spurtivu nant’à i sistemi Android chì rispetta cumpletamente a vostra vita privata. Ghjè una scansa di MyTracks chì Google hà abbandunatu in u 2016. St’appiecazione funziuneghja cumpletamente fora di linea è permette a creazione di tracciatu GPS, l’impiegu d’un cattore di frequenza cardiaca (solu Bluetooth LE), l’annunziamenti vucali (per tempu o per distanza), a creazione di stantelle (cù fiure) è l’affissera di e tracciati nant’à una carta cù l’appiecazione OSM Dashboard.

📗 $\color{orange}{\large{\textsf{Nota}}}$ : A lingua corsa duveria esse distribuita cù a prossima versione 4.13.n.

⏳ OSM Dashboard per OpenTracks

https://play.google.com/store/apps/details?id=de.storchp.opentracks.osmplugin
Vera tavula di cundutta d’OpenTracks, st’appiecazione - chì funziuneghja nant’à i sistemi Android - permette di selezziunà un tracciatu d’OpenTracks è d’affissallu nant’à una carta. A carta predefinita hè pruvista da OpenStreetMap.org. Sappiate ch’ella hè pussibule di scaricà una carta fora di linea per riduce a carica di u servitore è risparmià i dati muvibule di u vostru cuntrattu di telefuninu.

📗 $\color{orange}{\large{\textsf{Nota}}}$ : A lingua corsa duveria esse distribuita cù a prossima versione 4.3.0.

⏳ WinCDEmu

https://wincdemu.sysprogs.org/
Emulatore CD/DVD/BD di tipu « fonte aperta », vole si dì un attrezu chì permette di muntà fiure di discu otticu d’un solu cliccu in l’espluratore Windows. S’è vo avete scaricatu una fiura ISO è chì vo vulete impiegalla senza impruntalla ver di un discu novu, WinCDEmu hè a manera a più faciule per fà què.

💡 $\color{orange}{\large{\textsf{Astuzia}}}$ : A versione attuale 4.1 ùn cuntene micca u schedariu di lingua corsa. In attesa di distribuzione cù una prossima versione, ci vole à scaricà stu schedariu è installallu. Per sapene di più, seguitate l’istruzzioni per installà u schedariu di lingua.

---

3) I prugrammi in corsu di $\color{red}{\large{\textsf{traduzzione}}}$ :

🎯 Common Voice

https://commonvoice.mozilla.org/co
Iniziativa di Mozilla per aiutà à insegnà à e macchine cumu parla in veru a ghjente. Pudete dà a vostra voce per aiutacci à custruisce una basa di dati vucale à « fonte aperta » chì tuttu mondu pò aduprà per creà appiecazioni innuvative per l’apparechji è u web. Lighjite una frasa per arregistralla (parlà) è/o verificate u travagliu d’altri cuntributori per megliurà à qualità (stà à sente). Hè cusì simplice !

❤️ $\color{orange}{\large{\textsf{Nota}}}$ : Ancu u situ web hè traduttu in lingua corsa.

🎯 Unicode CLDR (Common Locale Data Repository)

http://cldr.unicode.org/index
Prughjettu chì pruvede elementi impurtantissimi à i prugrammi terzi per accettà e lingue di u mondu sanu, cù u depositu u più maiò di dati lucali (i.e. tradutti) dispunibule. Sti dati sò impiegati da parechje imprese per l’internaziunalizazione è a lucalizazione di i so prugrammi.

🎯 VLC media player

https://www.videolan.org/vlc/
Lettore capace d’apre è di leghje (stà à sente) guasi tutti i schedarii audio è video, ma dinù i DVD, CD Audio, VCD, è d’altri protocolli di diffusione.

💡 $\color{orange}{\large{\textsf{Astuzia}}}$ : VLC media player distribuisce dighjà cù a versione attuale una parte - più o menu una metà - di a traduzzione in lingua corsa. Ma ùn si pò ancu sceglie a lingua corsa in e preferenze di VLC. Per impiegalla, hè faciule : basta à sceglie Auto in e preferenze di l’interfaccia di VLC è à definisce a lingua Corse, cù una tastera Français, in e preferenze di lingua di Windows.

---

Screni è infurmazioni cumplementarii

Per quelle è quelli chì volenu sapene di più, eccu parechji codici QR chì permettenu di navigà versu d’altri siti di Patriccollu per fighjà infurmazioni cumplementarie è screni d’interfaccia di i prugrammi infurmatichi tradutti in lingua corsa.

Infurmazioni è screni d’interfaccia

$\color{blue}{\Huge{\textsf{Pagina Facebook}}}$	$\color{purple}{\Huge{\textsf{Contu Instagram}}}$

💡 $\color{orange}{\large{\textsf{Astuzia}}}$ : Si pò dinù fà un cliccu nant’à a fiura di u codice QR per andà nant’à u situ web.

Lista di i prugrammi infurmatichi

$\color{orange}{\Huge{\textsf{Wiki SourceForge}}}$	$\Huge{\textsf{Prughjettu GitHub}}$

💡 $\color{orange}{\large{\textsf{Astuzia}}}$ : Si pò dinù fà un cliccu nant’à a fiura di u codice QR per andà nant’à u situ web.

© Patriccollu di Santa Maria è Sichè, 2024